NASA və “Lockheed Martin”in səsdən sürətli X-59 təyyarəsinin ilk uçuşu yazın sonu – yaya planlaşdırılıb.
AzerTimes xəbər verir ki, bu barədə “Lockheed Martin” məlumat yayıb.
Təyyarənin təqdimatı cümə günü Kaliforniyada “Lockheed Martin” zavodunda keçirilib və NASA-nın saytında canlı yayımlanıb.
X-59-un saatda 1488 kilometr sürətə çatacağı gözlənilir, lakin dizaynı sayəsində o, səsdən sürətli uçuşla bağlı səs bumları yaratmayacaq.
Ən yeni cihaz NASA tərəfindən gələcək səsdən sürətli kommersiya uçuşları üçün yaradılır.
Yeni məhsulun sınaqları zamanı onun yaratdığı səs-küyün səviyyəsi haqqında məlumatların toplanması üçün əhalinin məskunlaşdığı ərazilər üzərində uçuşlar planlaşdırılır.