İtaliya Baş naziri Corciya Meloni ABŞ Nümayəndələr Palatasının spikeri Kevin Makkarti ilə görüşü zamanı Romanın Vaşinqtonun təzyiqi ilə Çinin “Bir kəmər, bir yol” layihəsindən çıxmaq niyyətində olduğunu deyib.
AzerTimes xəbər verir ki, bu barədə “Blumberq” agentliyi mənbələrinə istinadla məlumat yayıb.
“Meloni ötən həftə Romada keçirilən görüşdə Makkartini əmin edib ki, qəti qərarın verilməməsinə baxmayaraq, Çinin “Bir kəmər, bir yol” layihəsindən çıxmağa hazırlaşırlar”, – məlumatda qeyd olunub.
Bildirilib ki, Meloninin müşavirləri qərarın qəbul edilməsi tarixini və detallarını hazırlayırlar.