ABŞ-ın Ermənistandakı səfiri Kristina Kuin Cermukda olub.
AzerTimes xəbər verir ki, bu barədə ABŞ-ın Ermənistandakı səfirliyi məlumat yayıb.
“Səfir Kuin yerli rəsmilərlə görüşmək və Ermənistan-Azərbaycan sərhədində təhlükəsizlik vəziyyətini müşahidə etmək üçün Dərələyəz bölgəsində olub. Səfir Dərələyəz qubernatoru, Aİ-nin müşahidə missiyası və yerli silahlı qüvvələrin nümayəndələri ilə görüşüb.
Görüşlərdə Ermənistanın ABŞ-dakı səfiri Lilit Makunts da iştirak edib. Səfir Kuin ABŞ-ın Ermənistanın suverenliyini və təhlükəsizliyini, eləcə də Cənubi Qafqazda davamlı sülhün bərqərar olmasını dəstəkləməyə sadiq olduğunu vurğulayıb”, – məlumatda bildirilib.