ABŞ və Cənubi Koreya Şimali Koreyanın ballistik raket sınağına cavab olaraq bir-birindən bir neçə saat fərqlə 4 ATACMS taktiki raketinin buraxılışını həyata keçirib.
AzerTimes xəbər verir ki, bu barədə “Yonhap” agentliyi məlumat yayıb.
Məlumata görə, ATACMS raketlərindən bir neçə saat sonra amerikalı və koreyalı hərbçilər “Hyunmoo-2” ballistik raketinin buraxılışını həyata keçiriblər.
Lakin raket havaya qalxdıqdan sonra birbaşa buraxılışın həyata keçirildiyi bazanın ərazisinə düşüb.
Hadisə zamanı xəsarət alanlar olmayıb. Hərbçilər baş vermiş qəzaya görə üzr istəyiblər.