Təəssüf edirəm ki, bu qərarla ölkə sanksiyaya məruz qalan digər ölkələrin siyahısına daxil edilib. Bu, Gürcüstanın avropalı tərəfdaşlarından ən vacib qərarı – namizəd statusunun (AB üzvlüyünə dair – red.) verilməsini gözlədiyi anda baş verib.
AzerTimes xəbər verir ki, bu açıqlama ilə Gürcüstan Prezidenti Salome Zurabişvili çıxış edib.
“ABŞ-ın qərarının Avropada mənfi siqnal kimi qəbul ediləcəyindən ehtiyat edirəm”, – Zurabişvili deyib.
Qeyd edək ki, ABŞ Dövlət katibi Entoni Blinken Gürcüstanın dörd hakiminin məhkəmə sədrləri və Ali Ədliyyə Şurasının üzvü kimi vəzifələrindən sui-istifadə edərək korrupsiya əməllərində iştirak etdiklərini, bununla da Gürcüstanın qanunun aliliyinə və məhkəmə sisteminə ictimai etimadı zədələdiklərini açıqlayıb və viza məhdudiyyəti tətbiq etməklə onlara qarşı sanksiya tətbiq edildiyini bəyan edib.