ABŞ ordusu husilərə məxsus gəmi əleyhinə ballistik raketi və 4 pilotsuz təyyarəni məhv edib.
AzerTimes xəbər verir ki, bu barədə ABŞ Mərkəzi Komandanlığının qərargahı (CENTCOM) məlumat yayıb.
Husi hərəkatının nümayəndəsi Yəhya Səriya isə qruplaşmanın Ədən körfəzində ABŞ gəmisi və bir esminesini, Hind okeanında isə İsrail gəmisini hədəf aldığını açıqlayıb.
Hücum zamanı koalisiya və ya kommersiya gəmilərində heç bir itki və ya zərər qeydə alınmayıb.