Rusiya yaxın aylarda hücum əməliyyatları zamanı Ukraynada taktiki üstünlüklərə nail ola bilər.
AzerTimes xəbər verir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi deyib.
“Rusiya yenidən Ukraynanın şərqində bir neçə istiqamətdə, o cümlədən Avdeyevka, Liman və Kupyansk ərazilərində hücuma başlayıb. Biz Rusiyadan növbəti hücumlar gözləyirik. Bu dinamik münaqişədir. Yadda saxlamalıyıq ki, Rusiya hələ də bəzi hücum imkanlarına malikdir və yaxın aylarda bəzi taktiki üstünlüklərə nail ola bilər”, – Kirbi əlavə edib.