Avropa Birliyi (AB) Rusiya kəşfiyyat gəmilərinə qarşı mübarizə aparmaq və kritik dəniz infrastrukturunu qorumaq üçün birgə dəniz patrulları və illik dəniz təlimləri tətbiq etməyi nəzərdən keçirir.
AzerTimes xəbər verir ki, bunu AB-nin ətraf mühit üzrə komissarı Virginiyus Sinkyaviçyus deyib.
“AB-nin yenilənmiş dəniz strategiyası bu gün ictimaiyyətə açıqlanacaq. Sənəd peyk monitorinqinin genişləndirilməsini və üzv dövlətlər arasında kəşfiyyat məlumatlarının mübadiləsini də nəzərdə tutacaq. Kritik dəniz infrastrukturunun, gəmilərin fiziki və kiber təhlükələrdən qorunması zərurəti “Şimal axını” qaz kəmərlərinin partlayışlarından sonra yaranıb”, – o bildirib.