AB Aleksey Navalnının ölümünə görə Rusiyaya qarşı sanksiyalar tətbiq edib.
AzerTimes xəbər verir ki, bu barədə AB-dən məlumat verilib.
Məlumata görə, sanksiya siyahısına Rusiya ədliyyə nazirinin müavini Vsevolod Vukolov, Rusiya Ali Məhkəməsi sədrinin birinci müavini Petr Serkov, Rusiya Ali Məhkəməsinin Apellyasiya Şurasının sədri Vladimir Zayçev, Federal Penitensiar Xidmət rəhbərinin birinci müavini Valeri Boyarinev, Moskva Federal Penitensiar Xidmətinin rəhbəri Sergey Moroz, Navalnının cəza çəkdiyi koloniyaların rəisləri və müavinləri, habelə onların əməkdaşları, o cümlədən İK-6 cəzaçəkmə koloniyasının həkimi daxildir.
Qeyd edək ki, 47 yaşlı Aleksey Navalnı 16 fevralda cəzaçəkmə müəssisəsində qəfildən ölüb.