![Masallıda qanunsuz tikintilərin qarşısı alındı – Video Masallıda qanunsuz tikintilərin qarşısı alındı – Video](https://azertimes.az/wp-content/uploads/masallida-qanunsuz-tikintilerin-qarsisi-alindi-video-300x185.jpg)
![](https://azertimes.az/wp-content/uploads/masallida-qanunsuz-tikintilerin-qarsisi-alindi-video.jpg)
Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyi və Dövlət Yanğın Nəzarəti Xidməti tərəfindən respublika ərazisində qanunsuz tikintilərlə bağlı birgə tədbirlərin həyata keçirilməsi davam etdirilir.
Nazirliyin Mətbuat xidmətindən AzerTimes-a verilən məlumata görə, Masallı şəhərinin Heydər Əliyev prospektində “Sirr-M” MMC-yə məxsus yaşayış binasının, Səməd Vurğun küçəsində şadlıq sarayının, Digah yaşayış massivi və rayonun Ləngan kəndində ticarət obyektlərinin müvafiq qurumlarla razılaşdırılmadan qanunsuz tikintisi faktları aşkar edilib.
FHN-in Tikintidə Təhlükəsizliyə Nəzarət Dövlət Agentliyi və Dövlət Yanğın Nəzarəti Xidməti tərəfindən həyata keçirilən müvafiq tədbirlər nəticəsində qanunsuz tikinti işlərinin qarşısı alınıb və obyektlər nəzarətə götürülüb.