Rusiya sülhməramlılarına, həmçinin Beynəlxalq Qırmızı Xaç Komitəsinə (BQXK) məxsus avtomobillər Laçın-Xankəndi yolunda dinc aksiya keçirilən ərazidən maneəsiz hərəkət edir.
AzerTimes xəbər verir ki, dinc ekoloji aksiyanın davam etdiyi 90 gün ərzində Rusiya sülhməramlıları və BQXK-yə məxsus 4000-dən artıq avtomobil Laçın- Xankəndi yolundan maneəsiz keçib.
Qeyd edək ki, martın 11-də Xankəndidən Laçına və əks istiqamətdə Rusiya sülhməramlılarına məxsus 51 təminat -təchizat və minik avtomobili maneəsiz hərəkət edib. Bu, bir daha onu göstərir ki, aksiya iştirakçıları humanitar məqsədlərlə istifadə olunan avtomobillərin hərəkətinə heç bir maneə törətmirlər. Ermənistan mətbuatında yayılan və etirazçıların guya Xankəndi-Laçın yolunu bağladıqları və təminat avtomobillərini buraxmadıqları ilə bağlı xəbərlər qarşı tərəfin növbəti dezinformasiyasıdır.