ABŞ, Avstraliya, Yaponiya, Yeni Zelandiya və Böyük Britaniya “Sakit Okeandakı Tərəfdaşlar” (Partners in the Blue Pacific) adlı yeni regional tərəfdaşlıq təşkilatı yaradıb.
AzerTimes xəbər verir ki, Ağ Ev qeyri-rəsmi olan regional təşkilatın artıq işə başladığı barədə bəyanat yayıb.
“Təşkilatın köməyi ilə Avstraliya, Yaponiya, Yeni Zelandiya, Böyük Britaniya və ABŞ-ın Sakit okeandakı rifahı, möhkəmliyi və təhlükəsizliyi güclü şəkildə təmin olunacaq və daha sıx əməkdaşlıq yolu ilə kollektiv gücdən istifadə ediləcək”, – bəyanatda bildirilir.
Qeyd edək ki, həmçinin yeni təşkilat azad və açıq beynəlxalq nizama təzyiqin artması fonunda formalaşır.