2021-ci ildə Venesuelada inflyasiya 686,4% təşkil edib ki, bu da bir il əvvəlkindən 4 dəfə azdır.
Trend xəbər verir ki, bu göstəricilər ölkənin mərkəzi bankının dərc etdiyi məlumatda öz əksini tapıb.
Sentyabr-dekabr aylarında ölkədə istehlak qiymətlərinin aylıq artımı 2017-ci ilin aprelindən bəri ilk dəfə olaraq 10%-dən aşağı olub. Hələ ötən ilin yanvarında aylıq ifadədə inflyasiya 46,6% olub.
Venesuela son illər hiperinflyasiya, milli valyutanın devalvasiyası və zəruri malların qıtlığı ilə müşayiət olunan sosial-iqtisadi böhran yaşayır. 2020-ci ildə qiymət artımı 2959,8% təşkil edib.
Bu il yanvarın əvvəlində prezident Nikolas Maduro bildirmişdir ki, ölkə hiperinflyasiya vəziyyətindən çıxır.