Türk Hava Yollarının (THY) biletsiz sərnişini havada təyyarə heyətinə çətin anlar yaşadıb. 13 min metr hündürlükdə uçan təyyarədə körpə dünyaya gəlib.
Hamilə sərnişin THY ilə Konakri (Qvineya) – Uaqaduqu (Burkina Faso)- İstanbul reysi ilə səyahət edib. Təyyarə havaya qalxandan bir saat sonra Fransa vətəndaşı olan Diaby Nafi adlı 9 aylıq hamilə qadının doğuş sancısı başlayıb. Qadın stüardessaların köməyi ilə bir qız uşağı dünyaya gətirib.
Körpəyə Kadiju adı verilib. Uşağın adı təyyarə sərnişinlərindən biri tərəfindən verilib və qulağına azan oxunub.