Gürcüstan Prezidenti Salome Zurabişvili Tiflisdə “xarici agentlər”lə bağlı qanun layihəsinə qarşı parlament binası qarşısında mitinq keçirən etirazçıları növbəti dəfə dəstəklədiyini bildirib.
AzerTimes xəbər verir ki, Zurabişvili həmçinin etirazçılara müraciət edərək onları təxribat törətməməyə çağırıb.
“Mən prezident sarayından axşam baş verənləri izləyirəm və dəfələrlə dediyim kimi sizinlə birgəyəm. Eyni zamanda öz enerjisini bizimlə bölüşən gənclərə müraciət etmək istəyirəm. Elə şeylər var ki, onu etmək lazım deyil. Parlament qapısından əl çəkin!”, – deyə prezident bildirib.