Ukrayna Prezidenti Vladimir Zelenski silahlı qüvvələrin niyə əvvəllər güclü əks-hücum əməliyyatına başlamadığı barədə danışıb.
AzerTimes xəbər verir ki, o, ukraynalı əsgərlərin hücuma keçmək üçün heç bir resursu olmadığını deyib.
“Əgər sizdə zirehli texnika, tank qıtlığı varsa, onda siz sadəcə olaraq insanları itirəcəksiniz. Bir, iki, üç və ya beş kilometr gedəcəksiniz, amma minlərlə insanı itirəcəksiniz. Onlar sadəcə öləcəklər və siz bizə lazım olan məqsədə çata bilməyəcəksiniz. Məqsəd bizim bütün ərazimizin tamamilə işğaldan azad edilməsidir”, – o bildirib.
Zelenski qeyd edib ki, Ukrayna tərəfdaşlarından hərbi yardım gözlədiyi bir vaxtda ruslar əraziləri minalayıb və istehkamlar qurublar:
“Onlar 8 il əvvəl, 2015-2016-cı illərdən başlayaraq, Donbas işğalından sonra çoxlu istehkamlar düzəldiblər”.