“Sputnik Litva”nın baş redaktoru Marat Kasem Latviyanı tərk edib.
AzerTimes xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.
“Cinayət təqibinin bərpa olunmasından qorxan Marat Kasem fürsətdən istifadə edərək bu ölkəni tərk edib. Latviya hakimiyyətinin jurnalistin təqibini davam edəcəyi məlum idi”,- o bildirib.
Qeyd edək ki, Kasım Latviya vətəndaşıdır. O, bir neçə ildir ki, Moskvada yaşayır və “Sputnik Litva”nın da daxil olduğu “Rossiya Seqodnya” media qrupunda işləyir. Ötən il dekabrın 30-da Kasem ailəvi səbəbdən Latviyaya gəlib, bundan sonra saxlanılıb. Yanvarın 5-də Riqa məhkəməsi jurnalisti həbs edib. Apreldə isə Kasem Latviya həbsxanasından zaminə buraxılıb.