Ukrayna Silahlı Qüvvələrinin baş komandanı Valeri Zalujnı NATO-nun Avropadakı Birləşmiş Silahlı Qüvvələrinin baş komandanı, general Kristofer Kavoli ilə danışıb.
AzerTimes xəbər verir ki, bu barədə Valeri Zalujnı Teleqram hesabında məlumat yayıb.
Zalujnının sözlərinə görə, onlar hərbi hissələrin ehtiyaclarını, xüsusilə, silah, sursat, hava hücumundan müdafiə sistemləri, eləcə də uzaqdan minalardan təmizləmə cihazları haqda müzakirələr aparıb:
“Danışılan digər son dərəcə vacib məsələ isə dronlardır. PUA-lara qarşı mübarizə aparmaq və öz imkanlarımızı artırmaq. Biz tərəfdaşlarımızla bu istiqamətdə işimizi cəmləşdirmək barədə razılığa gəldik”.