Xəbər - Fidan Babayeva, Orxan Nəbiyev -Trend:
Yaxın günlərdə Yevlaxda KOB Evinin açılması planlaşdırılır.
AzerTimes-ın məlumatına görə, bunu Kiçik və Orta Biznesin İnkişafı Agentliyinin (KOBİA) İdarə heyətinin sədri Orxan Məmmədov Agentliyin 2020-ci il üzrə fəaliyyətinə həsr olunmuş brifinq zamanı deyib.
O bildirib ki, eyni zamanda Bakıda KOB Evinin təşkil olunması üzrə işlər davam edir.
O.Məmmədov əlavə edib ki, sahibkarlara göstərilən xidmətlərin təkmilləşdirilməsi məqsədilə 2020-ci ilin fevralında Xaçmazda ilk KOB Evi işə başlayıb. Həmin KOB Evində sahibkarlıq subyektlərinə 20 759 xidmət göstərilib:
“Göstərilən xidmətlərdən məmnunluq səviyyəsi 98 faiz təşkil edir. Hazırda Xaçmazdakı KOB Evində dövlət strukturları tərəfindən 150-dək “G2B”, 8 özəl şirkət tərəfindən 100-dək “B2B” xidmətləri göstərilir”.