Azərbaycanın Türkiyədəki meşə yanğınlarının söndürülməsinə göstərdiyikömək tam zamanında oldu.
Bu barədə AzerTimes-a Türkiyə hökumətindən məlumat verilib.
Türkiyə hökumətindən qeyd edilib ki, Azərbaycan Fövqəladə Hallar Nazirliyinin əməkdaşları Türkiyədə yanğınlar zamanı fəal kömək etdilər, və bu əsl qardaşlıqdır.
“Bizə göstərilən dəstəyə görə qardaş Azərbaycana minnətdarıq”, – məlumatda bildirilib.
Xatırladaq ki, Azərbaycan Fövqəladə Hallar Nazirliyinin yanğınsöndürmə və xilasetmə qrupları Türkiyəyə gəldikləri ilk gündən meşə yanğınları ilə mübarizədə fəal iştirak etmişlər. Azərbaycan FHN-nin əməkdaşlarının Yeniköy və Kemerköy İES-ləri yerləşən bölgədə həm yanğınların söndürülməsində, həm də bu elektrik stansiyalarının mühafizəsində böyük fədakarlıq göstərdilər.
Azərbaycan Fövqəladə Hallar Nazirliyinin yanğınsöndürmə və xilasetmə qrupları iyulun 30-dan etibarən Türkiyənin Muğla vilayətinə gəlməyə başlayıb.
Azərbaycanlı yanğınsöndürənlər Yatağan bölgəsindəki Pınar, Karaer, Kavakçık, Çayxisar, Zeytunalanı, Otmanlar, Çogenli, Aydın əyalətinin Çine, Akçaova, Kabaklidere, Muğlanın Seidli-Kemer, Menteşe, Qazellere rayonlarında yanğınla mübarizə aparıblar.
Eyni zamanda, Marmaris, Orhaniyə, Armudlu, Deirmanianı, Açparan, Turqut, Fethiye, Dalaman hava limanı yaxınlığında, Dənizli vilayətinin Buldak, Tavas, Burduk-Budjak bölgələrində baş verən yanğınların söndürülməsi ilə bağlı tapşırıqlar tamamlanıb.
Prezident İlham Əliyevin qardaş Türkiyəyə göndərdiyi Azərbaycan Fövqəladə Hallar Nazirliyinin (FHN) yanğınsöndürmə qüvvələrinə verdiyi tapşırıq tam yerinə yetirilmiş və Muğla vilayətində baş verən yanğınlar tamamilə söndürülmüşdür.