Çindəki FAST radioteleskopu başqa sivilizasiyalardan gəldiyi bildirilən siqnallar aşkarlayıb.
AzerTimes xəbər verir ki, bu barədə Çinin “Penpay” nəşri məlumat yayıb.
Nəşrdə Çinin kənar sivilizasiyaların araşdırılması mərkəzinin professoru Çjan Tunçzenin fikirlərinə yer verilib.
Onun sözlərinə görə, FAST radioteleskopundan əldə edilən məlumatların təhlili zamanı yerdənkənar sivilizasiyadan gələ biləcəyi ehtimal olunan iki siqnal aşkar edilib. 2022-ci ildə tədqiqat qrupu ekzoplanetlərdən birini müşahidə edərkən daha bir şübhəli siqnal tapıb.
Çjan Tunçze bildirib ki, bu şübhəli siqnalların radiomüdaxilə nəticəsində yaranma ehtimalı da çox yüksəkdir.