16 Mart 2022-ci il tarixində Zirə Mədəniyyət evində Xəzər Rayon
İcra Hakimiyyətinin başçısı Elşən Salahovun Zirə qəsəbəsinin
sakinləri ilə səyyar görüşü keçirilmişdir.
Görüşdə Xəzər Rayon İcra Hakimiyyəti başçının müavinləri,
Aparatın şöbə müdirləri, Zirə qəsəbə inzibati ərazi dairəsi üzrə
nümayəndə və Zirə bələdiyyəsinin sədri, rayonda fəaliyyət göstərən
xidmət sahələrinin rəhbərləri və qəsəbə sakinləri iştirak
etmişdir.
Vətən Müharibəsi Şəhidlərinin xatirəsi bir dəqiqəlik sükutla
anıldıqdan sonra Xəzər Rayon İcra Hakimiyyətinin başçısı Elşən
Salahov görüş iştirakçılarını salamlayaraq Azərbaycan
Respublikasının Prezidenti cənab İlham Əliyevin tapşırığına əsasən
mütəmadi olaraq əhalinin problemlərinin öyrənilməsi və həlli
istiqamətində yerlərdə səyyar görüşlərin keçiriləcəyini
vurğulamışdır.
RİH başçısı E.Salahov Azərbaycan Respublikasının Prezidenti
cənab İlham Əliyevin rəhbərliyi altında rayonda həyata keçirilən
müxtəlif Dövlət proqramlarının uğurlu icrası nəticəsində
abadlıq-quruculuq, yenidənqurma işlərinin sürətlənməsi və rayon
ərazisində, xüsusilə Zirə qəsəbəsində həyata keçirilən əsaslı
infrastruktur layihələrdən, əhalinin rifahının daha da
yaxşılaşmasına yönəlmiş tədbirlər barədə ətraflı məlumat
vermişdir.
Daha sonra RİH başçısı hazırda Zirə qəsəbəsində görülən və yaxın
gələcəkdə görülməsi nəzərdə tutulan işləri sakinlərin diqqətinə
çatdırmış və onların digər problemlərini dinləmişdir.
Səyyar görüşdə iştirak edən sakinlər qəsəbədaxili yolların
asfaltlanması, küçə işıqlarının çəkilməsi və digər sosial
məsələlərlə bağlı rayon rəhbərinə müraciətlər etmişdir.
Görüşdə səslənən müraciətlər, təklif və rəylər dinlənildikdən
sonra sakinlərə müvafiq izahatlar verilmiş qaldırılan məsələlərin
həlli istiqamətində əlaqədar qurum və təşkilat rəhbərlərinə
yerindəcə tapşırıqlar verilərək, onların həlli nəzarətə
götürülmüşdür.
Sonda sakinlər əhalinin problemlərinin həlli istiqamətində
həyata keçirilən tədbirlərə, göstərilən diqqət və qayğıya görə ölkə
başçısına öz minnətdarlıqlarını bildirmişlər.