Orta Asiya və Xəzər bölgəsindən qərblə şərqi, şimalla cənubu birləşdirən nəqliyyat dəhlizləri, enerji marşrutları Qara dəniz regionundan keçir. Qarşıdakı dövrdə bu bölgənin geostrateji önəmi daha da artacaq.
AzerTimes xəbər verir ki, bu sözləri Türkiyə Prezidenti Rəcəb Tayyib Ərdoğan Beynəlxalq Qara dəniz Rizə-Ayder Forumu iştirakçılarına videomüraciətində deyib.
“Epidemioloji xəstəliklər, bölgədəki böhranlar iqtisadi inkişaf üçün logistika və nəqliyyat infrastrukturunun əhəmiyyətini dönə-dönə xatırladır. Qara dəniz coğrafiyasındakı bütün ölkələrdə ticarəti yaxşılaşdıracaq, yüklərin və nəqliyyat xidmətlərinin çatdırılma müddətlərini qısaldacaq logistika şəbəkələrini inkişaf etdirməliyik”, – Ərdoğan bildirib.