Ermənistan sizin partiyanızın xəyal etdiyindən daha çox ölkədən daha çox silah əldə edə bilər. Logistika problemləri olmasaydı, İrəvan daha çox şey edə və daha çox silah gətirə bilərdi.
AzerTimes xəbər verir ki, bunu Ermənistan parlamentində 2024-cü il üçün büdcə layihəsinin müzakirəsi zamanı Ermənistanın xarici işlər naziri Ararat Mirzoyan “Ermənistan” blokundan olan deputat Kristina Vardanyanın Ermənistanın aldığı silahlarla bağlı sualını cavablandırarkən deyib.
“Söhbət müdafiə silahlarından gedir, bizim heç bir hücum məqsədimiz yoxdur, müdafiə silahı əldə etmək hər bir ölkənin suveren hüququdur”, – o bildirib.
Xatırladaq ki, Ermənistanın müdafiə naziri Papikyan və Fransa müdafiə naziri Lekornu arasında üç ədəd “GM200” radarının alınmasına dair saziş və hava hücumundan müdafiə sahəsində “Mistral” raketlərinin alınmasına dair memorandum imzalanıb.
Bundan əvvəl isə Ermənistan Hindistandan külli miqdarda silahlar tədarük edib.