Xaçmaz rayonunda “Mercedes” markalı avtomobil küçədə yanıb.
Fövqəladə Hallar Nazirliyindən AzerTimes-a verilən məlumata görə, “112” qaynar telefon xəttinə Xaçmaz şəhəri, N.Ələsgərov küçəsində
avtomobildə yanğın baş verməsi barədə məlumat daxil olub. Məlumatla
əlaqədar FHN-in Dövlət Yanğından Mühafizə Xidməti Xaçmaz Rayon
Yanğından Mühafizə Hissəsinin qüvvələri dərhal hadisə yerinə cəlb
olunub.
Yanğınsöndürənlərin çevik müdaxiləsi sayəsində vətəndaşa məxsus “MERCEDES” markalı minik avtomobilinin arxa hissəsində baş vermiş
yanğın qısa müddətdə söndürülüb.
Yanğın nəticəsində avtomobilin yük hissəsi və arxa təkərləri
yanıb. Avtomobilin qalan hissəsi yanğından mühafizə olunub.