ABŞ-ın Virciniya ştatında “Volmart” (“Walmart”) mağazasının müdiri Andre Binq şirkət əməkdaşlarına atəş açıb.
AzerTimes “Röyters”ə istinadən xəbər verir ki, o, 6 nəfəri öldürüb, sonra isə özünü güllələyib.
Ölənlər arasında 16 yaşlı yeniyetmə də var.
Hadisə zamanı azı 4 nəfər də yaralanıb. Ümumilikdə mağazada 50-yə yaxın adam olub.
Hadisəni törədən şəxsin həmkarları onun əvvəllər də qəribə və bəzən də hədələyici davranışlar sərgilədiyini bildiriblər.
Eyni zamanda, daha öncə A.Binqin hökumətin onu izləməsindən narahatlığını ifadə edən paranoyak fikirlər səsləndirdiyi qeyd edilib.