“Visa” və Gürcüstan arasında imzalanmış və iki il müddətinə
qüvvədə olan Anlaşma Memorandumu Gürcüstanın İqtisadiyyat və
Davamlı İnkişaf Nazirliyi ilə əməkdaşlığı inkişaf etdirməyə
yönəlib.
Bunu AzerTimes-a özəl müsahibəsində baş direktor – “Visa”nın Qafqaz
regionu üzrə regional meneceri Diana Kiquradze deyib.
Onun sözlərinə görə, Memorandum çərçivəsində əməkdaşlıq kiçik və
orta sahibkarlığın dəstəklənməsinə, yerli və beynəlxalq turizmin
təşviqinə, innovativ texnologiyaların inkişafının
stimullaşdırılmasına və Gürcüstanın iqtisadi və maliyyə
inteqrasiyasına yardıma yönəldiləcək.
Regional menecer qeyd edib ki, Anlaşma Memorandumu çərçivəsində “Visa” və Gürcüstan arasında əməkdaşlığın əsas istiqamətlərindən
biri qlobal rəqəmsal təhsil platformasının
aktivləşdirilməsidir.
“Visa”, “Gürcüstanda istehsal et” layihəsi ilə əməkdaşlıq
çərçivəsində “Visa Business Skills” platformasının işə salınması və
rəqəmsallaşma prosesinin sürətləndirilməsi kimi birgə təhsil
proqramları təklif etməklə, COVID-19 pandemiyasının təsirindən
zərər çəkmiş Gürcüstan biznesinə kömək etmək niyyətindədir”, – deyə
D.Kiquradze deyib.
Onun sözlərinə görə, “Visa”nın qlobal rəqəmsal təhsil
platforması olan “Praktik Biznes Bacarıqları” kiçik və orta
müəssisələr üçün yeni məlumatlar əldə etmək, biznesin idarə
edilməsi bacarıqlarını təkmilləşdirmək və maliyyə savadlılığını
artırmaq üçün 50-dən çox onlayn təlim modulu təklif edir.
Regional menecer bildirib ki, “Visa” “Gürcüstanda istehsal et”
proqramı çərçivəsində ikitərəfli tərəfdaşlığı dərinləşdirmək üçün
yeni imkanları araşdırmağa hazırdır
D.Kiquradze qeyd edib ki, “Visa” həmçinin Gürcüstana turizmi
təşviq etmək və yerli və xarici turistlərin sayını artırmaqda kömək
etmək niyyətindədir. “Visa” Gürcüstanda turistlərin sayı və onların
maraqları ilə bağlı konkret məlumatları Gürcüstanın İqtisadiyyat və
Davamlı İnkişaf Nazirliyi ilə bölüşəcək.
“Hazırlanmış konsepsiya turist axınını effektiv şəkildə
stimullaşdırmağa və bu sahədə zəif yerləri müəyyən etməyə imkan
verəcək”, – deyə o bildirib.
O, digər “Visa”nın təşəbbüsləri arasında qadın sahibkarlığını
təşviq etmək üçün qlobal kampaniya olan “She’s Next”i də qeyd
edib.
“She’s Next” təşəbbüsü regionda ən uğurlu layihələrdən biri
olub, onun bir hissəsi kimi biz “Visa” spikerləri, brend
ekspertləri və uğur qazanmış iş qadınları ilə qadın sahibkarlar
üçün pulsuz onlayn təhsil master-klassları keçirmişik. 2019-cu ildə
ABŞ-da başladılan bu kampaniya artıq Gürcüstanda genişlənmə
potensialı olan 2000-ə qədər qadını bir araya gətirib”, – deyə
D.Kiquradze bildirib.
“Həmçinin tərəfdaş təşkilatların – “Sabahkı günün qadınları”
Biznes Liderləri Federasiyasının və “Forbes Woman Georgia”nın
iştirakı ilə qadın sahibkarlar üçün müsabiqə təşkil edilib. “Visa”,
irqindən, cinsindən və yaşından asılı olmayaraq cəmiyyətin bütün
üzvləri üçün bərabər imkanlar təmin etdiyimiz müasir tendensiyaları
diqqətlə izləyir”, – deyə regional menecer deyib.
O, həmçinin qeyd edib ki, “Visa” Gürcüstanda innovasiyalar
haqqında məlumatlılığı artırmaqda davam edir.
“Biz startap nümayəndələri, “Visa” ekspertləri və maliyyə
sahəsinin əsas nümayəndələri ilə startap ekosistemi və innovasiya
tendensiyalarını müzakirə etmək üçün “Forbes Georgia” ilə birlikdə
Gürcüstanda innovasiyaların təşviqinə dair bir sıra podkastlar
yaratdıq”, – deyə D.Kiquradze bildirib.
Onun sözlərinə görə, Gürcüstan təmassız ödənişlər üzrə dünyada
lider ölkələrdən biridir. Gürcüstanda hər 10 ödənişdən 9-u “Visa”
kartlarından istifadə etməklə təmassız texnologiya ilə həyata
keçirilir
“Gürcüstan innovasiyalara açıqlıq baxımından güclü mövqeləri
saxlayır. Bu ölkə çoxdan inkişaf, rəqəmsallaşma və nağdsız
iqtisadiyyat yolunu seçib. Biz “Visa”da görürük ki, bizim kiçik
regionumuz innovativ texnologiyaların tətbiqi üçün böyük potensiala
malikdir”, – deyə regional menecer bildirib.
D.Kiquradze bildirib ki, son iki il ərzində, COVID-19
pandemiyası şəraitində Gürcüstanda biznes transformasiya edə
bilib.
Onun sözlərinə görə, Gürcüstanda biznes onlayn formata keçib,
brend strategiyaları yeni reallıqlara uyğunlaşdırılıb,
rəqəmsallaşmaya tələbat artıb və təmassız ödənişlərin
funksionallığı genişlənib. Bu mənada “Visa” pandemiya zamanı pulun
hərəkətini asanlaşdırmaq, Gürcüstan iqtisadiyyatının əsaslarından
birini təşkil edən kiçik və orta sahibkarlığı dəstəkləmək və
stimullaşdırmaq üçün daha çox imkanlar yarada bilib.
“Biz qlobal “Alış-verişin edildiyi yer önəmlidir” kampaniyasını
başladaraq onlayn transformasiya prosesini yumşaltmağa kömək etdik.
Bu kampaniya vasitəsilə biz yerli müəssisələrə davamlı olaraq
fəaliyyət göstərməsinə və məhsulları satmasına kömək etdik”, – deyə
D.Kiquradze qeyd edib.
O bildirib ki, “Visa” innovativ texnologiyalar tətbiq etməklə və
maliyyə ekosistemini təkmilləşdirməklə daha sağlam rəqabət mühiti
yaradacaq ki, bu da biznesə pandemiya ilə bağlı mövcud maneələri və
çətinlikləri aradan qaldırmaq üçün vacibdir.
Xatırladaq ki, “Visa” ilə Gürcüstanın İqtisadiyyat və Davamlı
İnkişaf Nazirliyi 2021-ci ilin dekabr ayının sonunda anlaşma
memorandumu imzalayıb.