“Vaqner” özəl hərbi şirkəti öz sıralarına Çeçenistandan məhbusları cəlb etməyə başlayıb. Onların əksəriyyəti siyasi motivlərlə məhkum edilib.
AzerTimes xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsi məlumat yayıb.
Məlumata görə, Arqun şəhərinin (Çeçenistan Respublikası – red.) 3 saylı koloniya-qəsəbəsində, Çernokozova kəndinin 2 saylı cəzaçəkmə müəssisəsində (Çeçenistanın Naurski rayonu – red.) “Vaqner”in sıralarına məhbusların cəlb edilməsi davam edir:
“Bu proses kütləvi xarakter almağa başlayıb. Artıq hər iki həbsxanadan 50-yə yaxın insan “səfərbər olunub”. Bu məhbusların əksəriyyəti uydurma ittihamlarla məhkum ediliblər”.
Qeyd olunur ki, kəşfiyyat məlumat “sızması”nın qarşısını almaq üçün koloniyaların əməkdaşları ilə iş aparır.