PSJ klubu Lionel Messini saxlamaq niyyətindədir.
AzerTimes xəbər verir ki, bu barədə “Foot Mercato” nəşri məlumat yayıb.
Məlumata görə, parislilər Messiyə müqavilənin uzadılması üçün sərfəli təklif göndəriblər. Futbolçunun təklifə hələ cavab vermədiyi bildirilir.
Qeyd edək ki, Messinin Səudiyyə Ərəbistanına icazəsiz səfər etməsi klub rəhbərliyinin narazılığına səbəb olmuşdu. Argentinalı dünya çempionu da sonradan video yayımlayaraq klub rəhbərliyi və komanda yoldaşlarından üzr istəmişdi.