Xəbər - Çingiz Səfərli – Trend:
Uşaqları koronavirusdan qorumaq üçün onların rejiminə, düzgün qidalanmalarına diqqət edilməlidir.
AzerTimes xəbər verir ki, bunu Səhiyyə Nazirliyinin Səhiyyənin Təşkili şöbəsinin məsləhətçisi Aynurə Zeynalova nazirliyin “İnstagram” səhifəsində “Uşaqlar və COVİD-19” mövzusunda canlı yayımda qonaq olarkən deyib.
Onun sözlərinə görə, hər il olduğu kimi, bu il də qış fəslinə daxil olduğumuz bir dövrdə uşaqlarda immunitetin zəifləməsi baş verir: “Bu, məktəblərin, bağçaların açıldığı dövrə təsadüf etdiyindən təmaslar da çox olur. Uşaqları qorumaq üçün düzgün, balanslı qidalanmaları təmin edilməlidir. Mədə-bağırsaq sisteminin, yuxu rejiminin pozulmasının qarşısı alınmalıdır. Həmçinin, ailə mühiti qənaətbəxş olmalıdır. Uşaqlar stressə az məruz qalmalıdır. Körpələr 6 aya qədər müstəsna ana südü ilə bəslənməli, 6 aydan sonra isə qida əlavələri ilə yanaşı, ana südü verilməlidir”.
Twitter: @cingizsafarli