Ukrayna NATO və Avropa İttifaqına üzv olmaq iqtidarında deyil, çünki bu ölkənin iqtisadi vəziyyəti qeyri-qənaətbəxşdir.
AzerTimes Oxu.Az-a istinadən xəbər verir ki, bunu LCI telekanalına müsahibəsində Macarıstanın Baş naziri Viktor Orban deyib.
“Ukrayna hələ münaqişədən əvvəl müflis olmuşdu. 1990-cı illərdə ukraynalılar iqtisadiyyatı normal fəaliyyət göstərən dövlət qura bilmədilər”, – baş nazir bəyan edib.
Orbanın fikrincə, Ukraynanın Aİ-yə daxil olması cəmiyyət üçün böyük problemlərlə nəticələnəcək.
Baş nazir qeyd edib ki, Ukraynanın NATO-ya daxil olması da qəbuledilməzdir.
“Əgər o NATO-ya daxil olarsa, Şimali Atlantika Alyansı ilə Rusiya arasında müharibə olacaq. İndi bu birləşmə mümkün deyil, geosiyasi reallıq belədir. Rusiya ilə birbaşa münaqişə bizim maraqlarımıza cavab vermir”, – Orban vurğulayıb.