Ukraynanın daha çox müxtəlif hava hücumundan müdafiə sistemlərinə ehtiyacı var. İndi Ukrayna Silahlı Qüvvələri tərəfdaş ölkələrdən aldığı bütün silahlardan tam və çox səmərəli istifadə edir.
AzerTimes xəbər verir ki, bu barədə Ukrayna ordusunun Birləşmiş Qüvvələrinin komandanı Sergey Nayev bildirib.
“Biz daha çox hava hücumundan müdafiə vasitələrinə sahib olmaq istərdik. Mövcud resurs əsasında hava hücumundan müdafiə sistemi daim təkmilləşdirilir. Biz hava hədəflərini məhv etmək üçün lazım olan vasitələri yavaş-yavaş əldə edirik. Onu gətirmək çox əziyyətli işdir”, – o bildirib.