Xerson vilayətinin Geniçesk rayonu ərazisində dalbadal partlayışlar baş verib.
AzerTimes xəbər verir ki, bu barədə Rusiya Teleqram kanalları məlumat yayıb.
Məlumata görə, Rosqvardiyanın bazası partladılıb. Partlayışa yaxın ərazilərdə mobil şəbəkə itib, elektrik enerjisinin verilişi dayandırılıb.
Xersondakı separatçıların rəhbəri Vladimir Saldo Ukraynanın 4 ədəd “Storm” raketləri ilə zərbələr endirdiyini bildirib.
Rusiya mənbələri isə Xersonun Skadovsk rayonunda da partlayışların olduğunu bildiriblər:
“Ukrayna ordusu Dneprin sol sahilinə hücuma hazırlaşır. Bir neçə gündür Skadovsk, Lazurnıy, Geniçesk rayonlarındakı silah anbarlarını vurmağa başlayıblar. Xeyli ölən və yaralanan var”.