Müharibə zamanı Ukraynada 15 mindən çox insan itkin düşüb.
AzerTimes xəbər verir ki, bunu İtkin düşənlər üzrə Beynəlxalq Komissiyanın direktoru Metyu Hollidey deyib.
“15 min rəqəmi dəyişəcək. Çünki təkcə Mariupolda Ukrayna hakimiyyəti 25 min insanın öldüyünü və ya itkin düşdüyünü təxmin edir. Ukraynada itkin düşmüş şəxslərlə bağlı işlərin araşdırılması prosesi hətta hərbi əməliyyatlar dayandırıldıqdan sonra da illərlə davam edəcək. Hələlik nə qədər insanın məcburi köçkün olduğu, Rusiyada saxlanıldığı, ailələrindən ayrıldığı və ya ölərək müvəqqəti məzarlarda basdırıldığı məlum deyil. İndi əsas odur ki, mümkün qədər çox insanın şəxsiyyətini müəyyən etmək üçün bütün lazımi tədbirlər görülsün. İtkin düşənlərin və ölənlərin böyük əksəriyyəti müharibə cinayətlərinin qurbanıdır, ona görə də günahkarlar cavab verməlidir”, – Hollidey bildirib.