Vaşinqton Ukraynadakı münaqişənin həlli üçün danışıqlar şəraiti görmür.
AzerTimes “Röyters”ə istinadla xəbər verir ki, bu sözləri ABŞ Dövlət katibi Entoni Blinken Braziliya Prezidenti Luiz İnasio Lula da Silva ilə görüşündə Ukrayna və Qəzza müzakirəsi zamanı deyib.
Qeyd edək ki, Blinken Silva ilə ölkənin paytaxtında görüşüb. Blinken G20 xarici işlər nazirlərinin toplantısında iştirak etmək üçün oradan Rio-de-Janeyroya gedib.