Xankəndidəki küçələrdən biri dahi Ukrayna şairi Taras Şevçenkonun adını daşımağa başlayıb.
AzerTimes xəbər verir ki, bu barədə Ukraynanın Bakıdakı səfiri Vladislav Kanevski Feysbuk səhifəsində məlumat yayıb.
“Xankəndidə özünəməxsus “Ukrayna ləhcəsi” yaranıb: indi şəhərin küçələrindən biri böyük Kobzarın – Taras Şevçenkonun adını daşıyır. Bunu “Quql” yazır, bildiyiniz kimi, o hər şeyi bilir”, – deyə Kanevski yazıb.
Qeyd edək ki, Xankəndi şəhərində küçə adlarının yenilənməsi ilə bağlı layihə hazırlanıb.