11:06
Rusiyanın 15 regionunun səmasında Ukraynanın təyyarə tipli 158 PUA-sı vurulub.
AzerTimes xəbər verir ki, bu barədə Rusiya Müdafiə Nazirliyi məlumat yayıb.
“Dünən gecə Kiyev rejiminin pilotsuz uçan aparatlardan istifadə etməklə Rusiya Federasiyası ərazisindəki obyektlərə qarşı terror aktı törətmək cəhdi zamanı növbətçi hava hücumundan müdafiə bölmələri Ukraynaya məxsus 158 təyyarə tipli PUA-nı məhv edib və ələ keçirib”, – məlumatda deyilir.
Qeyd edilib ki, gecə saatlarında Kursk vilayətində 46, Bryansk vilayətində 34, Voronej vilayətində 28, Belqorod vilayətində 14, Ryazan vilayətində 8, Moskva vilayətində 7, Kaluqa vilayətində 5, Lipetsk vilayətində 4, Tula vilayətində 3, Tambov və Smolensk bölgələrində 2, Oryol, Tver və İvanovo bölgələrində bir PUA məhv edilib.
Xatırladaq ki, hücumun davam etdiyi, hətta Yaroslava qədər genişləndiyi vurğulanır.
Ukraynanın hücumu nəticəsində bir çox vilayətdə dağıntılar və yaralılar var, yanğınlar başlayıb.