Ukrayna Silahlı Qüvvələrinin hədəflərinə “Xəncər” raketlərindən zərbələr endirilib.
AzerTimes xəbər verir ki, bu barədə Rusiya Müdafiə Nazirliyi məlumat yayıb.
MN bu gün səhər saatlarında Ukraynadakı hərbi obyektlərin hipersəs “Xəncər”ləri ilə vurduğunu bildirib.
Qeyd edək ki, bu gün Ukraynada hava hücumu xəbərdarlığı elan edilib və iki saatdan çox müddət sonra ləğv edilib. Yerli media və hakimiyyət orqanları Krivoy Roq, Xarkov, Dnepropetrovsk və Xmelnitskidə partlayışların baş verdiyini bildiriblər.
Zərbələr barədə məlumatı Ukrayna Silahlı Qüvvələrinin baş komandanı Valeri Zalujnı da təsdiqləyib.