Ukrayna hərbçiləri Kursk vilayətində peşəkar şəkildə irəliləyir və Rusiya qüvvələrini məğlub edirlər.
AzerTimes xəbər verir ki, bunu ukraynalı deputat Roman Kostenko bildirib.
“Qoşunlarımız irəliləyir, düşməni məğlub edir, ən əsası isə kifayət qədər peşəkarcasına irəliləyir. Bu, müasir optik kəşfiyyata, insan zəkasına, müasir informasiya ötürmə vasitələrinə baxmayaraq, təəccüb effekti yaradan nadir əməliyyatlardan biridir, bəlkə də yeganədir. Müasir müharibədə buna nail olmaq olduqca çətindir”, – deyə o söyləyib.
Kostenko iddia edib ki, Ukrayna ordusu Rusiya qüvvələrinin ən zəif olduğu yeri tapıb və bütün mümkün vasitələrlə zərbə endirməklə uğur əldə edir.