Ukrayna ordusu əks-hücum nəticəsində Çasov Yardan şimalda yerləşən Kalinovka qəsəbəsini azad edib.
AzerTimes xəbər verir ki, bu barədə “Bild” nəşrinin eksperti Yulian Röpke məlumat verib.
“Baxmutun qərbindəki Çasov Yar istiqamətində rus ordusu ikiqat zərbə taktikasından istifadə edir. Ruslar həm şəhərin şərqində yerləşən Kanal mikrorayonuna birbaşa hücum edir, həm də cinahlardan onu ötüb keçir. Aprelin sonunda onlar cənubda irəliləyərək Severski Donets-Donbas kanalına çatdılar. Şimalda bu yaxınlarda Kalinovka kəndini tutdular. Mikrorayon tamamilə dağıdılsa da, ukraynalı döyüşçülərin əlində qalmışdı. Ötən gün Ukrayna ordusu uğurlu əks-hücuma keçərək Kalinovkanı geri alıblar”, – o bildirib.