Ukrayna Silahlı Qüvvələri Baxmut şəhərinin cənubunda və şimalında hücum əməliyyatlarını davam etdirir və əldə olunan mövqelərdə möhkəmlənir.
AzerTimes xəbər verir ki, bu barədə Ukrayna Silahlı Qüvvələri Baş Qərargahının Feysbuk səhifəsində məlumat verilib.
Qeyd olunur ki, düşmən əsas səylərini Liman, Baxmut, Avdeyev və Marinski istiqamətlərində cəmləşdirir və orada gün ərzində 20 toqquşma baş verib.
Baxmut istiqamətində rusların ağır hava və artilleriya atəşi altında ukraynalı müdafiəçilər İvanovskoye və Ağ Dağ ərazilərində düşmənin hücumlarını uğurla dəf ediblər.