Ukrayna diversiya-kəşfiyyat qrupunun Bryansk vilayətinə hücumunun qarşısı alınıb.
AzerTimes xəbər verir ki, bu barədə vilayətin qubernatoru Aleksandr Boqomaz deyib.
Bildirilib ki, FTX-nin sərhəd idarəsinin əməkdaşları və Müdafiə Nazirliyinin Bryansk vilayətinin Sevski rayonundakı sərhəd bölməsinin əməkdaşları tərəfindən təxribat qrupunun Rusiya ərazisinə soxulmaq cəhdinin qarşısı alınıb.
Boqomazın sözlərinə görə, toqquşma yerində təxribatçılar tərəfindən atılmış silah və sursatlar aşkar edilib.