Xəbər - Humay Ağacanova – Trend:
Koronavirus əleyhinə istifadəsinə başlanılan Türkiyənin “TURKOVAC” vaksini ən az “CoronaVac” vaksini qədər təhlükəsiz və təsirlidir.
Trend-in məlumatına görə, bunu Koronavirus Elmi Komitəsinin üzvü professor Serhat Ünal və professor Mine Durusu Tanrıöver “TURKOVAC” peyvəndi ilə bağlı açıqlamalarında bildiriblər.
M.Tanrıöver qeyd edib ki, “CoronaVac” və “TURKOVAC”ın yan təsirləri eynidir:
“”TURKOVAC” ən az “CoronaVac” qədər təhlükəsiz və təsirlidir. “TURKOVAC” peyvəndi tətbiq edilən şəxslərdən xəstəxanaya yerləşdirilən cəmi 3 xəstə var idi. Onların heç birinin oksigenə ehtiyacı yox idi, hər hansı bir fəsad olmadan evə buraxıldılar”, – deyə o bildirib.
Qeyd edək ki, 2021-ci ilin dekabrında Türkiyədə koronavirusa qarşı yerli TURKOVAC vaksinin tətbiqinə icazə verilib, həmin gündən etibarən vaksinin kütləvi istehsalı başlayıb. Yaxın zamanlarda vaksinin Azərbaycana da gətiriləcəyi gözlənilir.