Noyabrın 9-u Qəzzaya yardım etmək üçün İzmir Alsancaq limanından yola düşən dərman və tibbi ləvazimatları daşıyan gəmi bu gün səhər saatlarında Misirin Əl-Ariş limanına çatıb.
AzerTimes xəbər verir ki, bu barədə Türkiyənin Səhiyyə Nazirliyi məlumat yayıb.
Məlumata görə, gəmidə hər cür iqlim şəraitinə davamlı əməliyyat otaqları və reanimasiya şöbələri ilə tam təchiz olunmuş sahə xəstəxanaları və bu xəstəxanalarda istifadə olunacaq tibbi dərmanlar var.