Türkiyənin cənub və cənub-şərqində yerləşən Adana və Diyarbəkir əyalətlərində yüksək temperatur qeydə alınıb. Ötən gün termometrlər müvafiq olaraq 52 və 48 dərəcəni göstərib, təkcə insanlar deyil, heyvanlar da dözülməz istidən əziyyət çəkir, küçə və meydanlar boşdur.
AzerTimes xəbər verir ki, bu barədə “Hürriyyət” qəzeti məlumat yayıb.
“Dünən Diyarbəkir tarixinin ən isti günlərindən biri olub. Temperaturun 48 dərəcəyə çatdığı şəhərdə gün boyu küçə və meydanlar boş qalıb. Termometrlərin 52 dərəcəni göstərdiyi Adanada istidən təkcə insanlar deyil, heyvanlar da əziyyət çəkir. Heyvanları tez-tez şlanqlarla sulayırlar”, – məlumatda deyilir.
Qeyd edək ki, BMT-nin Ümumdünya Meteorologiya Təşkilatı növbəti beş il ərzində qlobal temperaturun rekord həddə çata biləcəyi proqnozunu dərc edib.