Türkiyənin Van vilayətinin Gevaş rayonunda mikroavtobus aşıb.
AzerTimes xəbər verir ki, bu barədə Türkiyə mətbuatı məlumat yayıb.
Məlumata görə, Atalan Məhəlləsində mikroavtobus təkərin partlaması nəticəsində yol kənarına aşıb. Nəticədə 2-si ağır olmaqla 14 nəfər yaralanıb.
Hadisə yerinə tibbi heyət, jandarma və Van Böyükşəhər Bələdiyyəsi Xilasetmə İdarəsinin qrupları cəlb edilib.
Yaralılar tibbi qrupların müdaxiləsindən sonra şəhərdəki xəstəxanalara aparılıb.