Türkiyənin İzmir vilayətinin Qaraburun ilçəsində meşə ərazisini güclü yanğın bürüyüb.
AzerTimes Türkiyə mediasına istinadən xəbər verir ki, Kösedərə məhəlləsi Boyabağ bölgəsindəki yanğının hansı səbəbdən baş verdiyi məlum deyil.
Əraziyə yanğınsöndürmə briqadaları və müvafiq texnikalar cəlb edilib.
Yanğının söndürülməsinə yerli əhali də dəstək göstərir.
Bundan əlavə, yanğının baş verdiyi zonada düşərgədə və evdə köməksiz vəziyyətdə qalan ümumilikdə 100-ə yaxın insan təhlükəsizlik şəkildə təxliyə edilib.