Kayserinin Sarıoğlan bölgəsində 4,6 bal gücündə zəlzələ olub.
AzerTimes-ın türk KİV-lərinə istinadən verdiyi məlumata görə, bu barədə Türkiyənin Fövqəladə Halların İdarə Olunması Agentliyi (AFAD)bildirib.
Yeraltı təkanlar yerli vaxtla saat 03:02-də qeydə alınıb, zəlzələ ocağı 18,2 kilometr dərinlikdə yerləşib.
Qeyd edək ki, son sutka ərzində ölkədə bir neçə zəlzələ qeydə alınıb. Fevralın 1-də İzmirin Karaburun rayonunda yerli vaxtla saat 08:46-da 5.1, 1 dəqiqə sonra 4.7, 23:46-da isə 4,8 bal gücündə yeraltı təkanlar qeydə alınıb qeydə alınıb.