Soyqırımçı Hitlerin sonu necə oldusa, Netanyahunun da sonu eyni olacaq.
AzerTimes xəbər verir ki, bunu Türkiyə Xarici İşlər Nazirliyi İsrail Katza cavabında bildirib.
“Necə ki, soyqırım törədən nasistlər cavab verdilər, fələstinliləri məhv etməyə çalışanlar da cavab verəcəklər. Bəşəriyyət fələstinlilərin yanında olacaq. Fələstinliləri məhv edə bilməyəcəksiniz”.
Qeyd edək ki, bundan öncə İsrailin xarici işlər naziri İsrail Katz açıqlama verərək, Ərdoğana 2006-cı ildə edam edilən Səddam Hüseynin taleyini xatırlamağı tövsiyə edib.