Türkiyə Ukrayna münaqişəsində neytral mövqe tutur, həm Kiyev, həm də Moskva ilə işgüzar əlaqələr saxlayır. Bu baxımdan onun sülh danışıqları platformasına çevrilmək şansı neytral siyasətini itirmiş Avstriya və ya İsveçrədən daha çoxdur.
AzerTimes xəbər verir ki, bunu Avstriyanın keçmiş xarici işlər naziri Karin Knaysla deyib.
“Məncə, sülh müqaviləsi və danışıqlar (Ukrayna ilə bağlı – red.) haradasa İstanbul və ya Antalya ərazisində olacaq.
Həm Avstriya, həm də İsveçrə neytral ölkələrdir, lakin onlar bu neytral xarici siyasətini itiriblər. Ukrayna məsələsində Avstriya tərəflərdən birinə açıq şəkildə dəstək verir. Macarıstan və Türkiyə kimi NATO ölkələri isə de-yure deyil, faktiki olaraq daha neytral xarici siyasət sxeminə riayət edirlər”, – o bildirib.